"Buradan Azərbaycana yolçuluq var".

ONN media  xəbər verir ki, bunu Belçikanın paytaxtı Brüsseldə baş tutan NATO Liderlər Zirvəsi çərçivəsində ABŞ lideri Co Baydenlə görüşdən sonra mətbuata açıqlama verən Türkiyə Prezidenti Rəcəb Tayyib Ərdoğan deyib.

Keçirdiyi görüşlərlə bağlı jurnalistlərin suallarını cavablandıran Türkiyə lideri sonda Azərbaycan səfər edəcəyini növbəti dəfə anons edib.

Bildirək ki, Türkiyə Prezidenti Rəcəb Tayyib Ərdoğan iyunun 15-16-da Azərbaycana rəsmi səfər edəcək. Səfər çərçivəsində Şuşada ikitərəfli görüşlər keçiriləcək. Görüşlərdə Türkiyə-Azərbaycan münasibətləri bütün aspektləri ilə nəzərdən keçiriləcək və iki ölkə arasında əməkdaşlığın daha da dərinləşdirilməsi imkanları müzakirə ediləcək.

Türkiyə Prezidenti səfərlə əlaqədar olaraq Azərbaycan Milli Məclisində çıxış edəcək.

İki ölkənin dövlət başçıları Türkiyənin futbol üzrə millisinin iyunun 16-da futbol üzrə Avropa çempionatında Bakıda Uelslə seçmə qrup oyununu birlikdə izləyəcəklər.