Diqqət yetirin, düşmən dayanmaq bilmir. Bir QHT dövlətdən də güclü fəaliyyət nümayiş etdirir. Amerika Erməni Milli Komitəsi (ANCA) Dağlıq Qarabağa yardımı artırmaq və ABŞ-ın Azərbaycana yardımını əngəlləmək məqsədilə Qarabağ üçün 250 milyon dollar yardım tələb edir.

Bu barədə millət vəkili Fazil Mustafa sosial şəbəkə hesabında yazıb. Deputat qeyd edib ki, düşmən olduqca hiyləgər taktika seçib:

“Əliyev rejiminə (Azərbaycan adını bilərəkdən vurğulamırlar ki, Azərbaycandan olan bəzi qüvvələri də bu prosesə qoşa bilsinlər) beynəlxalq maliyyə vəsaitlərinin və ya kreditlərin verilməsinin əngəllənməsini istəyirlər. Təklif 2022-ci il üçün Maliyyə ili xarici yardım qanun layihəsini hazırlayan ABŞ Təmsilçilər Məclisinin iclasına təqdim olunub.

Ona görə də arı kimi çalışmağımız lazımdır. Bu cür təşəbbüsləri əhəmiyyətsizləşdirmək üçün effektli fəaliyyət formalarını Türkiyə ilə birlikdə gerçəkləşdirməyi bacarmasaq, bu axının qarşısında xeyli çətinliklər yaşayacağıq”.