"Rusiyada epidemiya ilə bağlı vəziyyət həqiqətən çox pisdir. Koronavirusa qarşı peyvənd və təkrar peyvənd vacibdir".

ONN media xəbər verir ki, bunu Rusiya Prezident Aparatının sözçüsü Dmitri Peskov deyib.

O bildirib ki, ölkə başçısı Vladimir Putinə ölkədəki epidemiya vəziyyətilə bağlı ardıcıl hesabat təqdim edilir.

Qeyd edək ki, Rusiyanın səhiyyə naziri Mixail Muraşko da ölkənin 65 bölgəsində COVID-19-a yoluxma hallarının artdığını deyib:

"Əhalisi sıx olan böyük şəhərlərdə ciddi təhlükəsizlik tədbirləri görülməldidir. Ölkədə koronavirusun yeni növlərinə rast gəlinib və bunlar vəziyyəti pisləşdirir. Xəstəxanalarda COVID-19 xəstələri üçün yataq sayı artırılmalıdır".