İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti haqsız rəqabət və antiinhisar qanunvericiliyinin pozulmasına yol verdiyi üçün “Volt Azərbaycan”a maliyyə sanksiyası tətbiq edib.

ONN media xəbər verir ki, “Volt Azərbaycan” iaşə müəssisələri ilə bağladığı müqavilələrdə əsas tələb kimi yalnız özünün müstəsna kuryer (çatdırılma) xidməti göstərən şirkət olması şərtini qoyub. Bu isə “Volt Azərbaycan” tərəfindən “Haqsız rəqabət haqqında” Azərbaycan Respublikası Qanununun tələblərinin pozulması deməkdir.

Qanun pozuntusu hallarının aradan qaldırılması barədə “Volt Azərbaycan” MMC-nin qarşısına tələb qoyulub və haqsız rəqabətə yol verdiyi üçün müəssisəyə maliyyə sanksiyası tətbiq edilib.