Nikol Paşinyanın Vladimir Putinlə görüşündə rəsmi hissədən sonra Ermənistan ərazisində Rusiyanın yeni hərbi bazaları ilə bağlı məsələnin müzakirəsi ehtimalı böyükdür.

ONN media xəbər verir ki, bu barədə tanınmış rusiyalı politoloq Fyodor Lukyanov Ermənistan mətbuatına müsahibəsində bildirib.

Onun sözlərinə görə, bundan başqa, Putin və Paşinyan Ermənistan-Azərbaycan sərhədindəki vəziyyəti, Zəngəzurla bağlı sualları və bir sıra humanitar məsələləri müzakirə edəcəklər:

“Müzakirələrin vacib mövzularından biri də sərhədlərin demarkasiyası prosesi və həmçinin KTMT ilə bağlı olacaq. İndi İrəvana bir mühüm amili dərk etmək lazımdır - dünyada bir neçə qeyri-sabitlik ocağı yaranıb ki, onların da stabilləşməsində həm Türkiyə, həm də Rusiya əhəmiyyətli rol oynayır”.

Qeyd edək ki, Nikol Paşinyanla Vladimir Putinin bu gün görüşəcəyi gözlənilir.