Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən Bakı şəhər sakini A.Fətullayev saxlanılıb.

Daxili İşlər Nazirliyinin mətbuat xidmətindən  bildiriblər ki, Nərimanov rayonu ərazisində tutulan həmin şəxsin üzərində axtarış aparılarkən 570 qram heroin və 155 qram metamfetamin aşkarlanaraq götürülüb.

Faktla bağlı araşdırma aparılır.