Bu ilin birinci yarısında mütəşəkkil cinayətkarlığa qarşı mübarizədə həyata keçirilmiş tədbirlərlə 435 kriminal qrup zərərsizləşdirilib.

ONN media  xəbər verir ki, bu barədə iyulun 9-da Daxili İşlər Nazirliyində keçirilən kollegiya iclasında məlumat verilib.

Qeyd olunub ki, bu müddətdə qanunsuz odlu silah saxlayan və daşıyan 110 nəfər cinayət məsuliyyətinə cəlb edilib.

Ötən ilin altı ayı ilə müqayisədə qeyri-leqal dövriyyədən 776 kiloqram çox və ya 1 ton 843 kiloqram narkotik vasitə çıxarılıb, qanunsuz kultivasiya olunan 140 ton narkotik xassəli bitki aşkarlanaraq məhv edilib.