Şəkidə 15 yaşlı qız 30 yaşlı kişiyə ərə verilib.

ONN media xəbər verir ki, "Report"un şimal-qərb bürosunun çəkiliş qrupu həmin qızın yaşadığı evə yollanıb.

Çəkiliş qrupu orada olarkən məlum olub ki, yeniyetmə qızın ata və anası polis şöbəsinə dəvət olunub.

Əməkdaşlar qızın qonşuları ilə həmsöhbət olublar.

Daxili İşlər Nazirliyinin mətbuat xidmətinin Şəki regional qrupunun baş inspektoru, polis baş leytenantı Mahir Məsimov bildirib ki, araşdırmalardan sonra fakt təsdiqini tapıb. Kiçik Dəhnə kənd icra nümayəndəsi Ayaz Əliyev "Report"un yerli bürosuna deyib ki, hadisədən bu gün səhər xəbər tutub.

O, əlavə edib ki, icra nümayəndəliyində həmin kənddə 15 yaşlı qızın ərə verilməsi ilə bağlı heç bir qeydiyyat aparılmayıb.

Məlumata görə, yeniyetmə qız Bakının Maştağa qəsəbəsində 30 yaşlı oğlanla evləndirilib.