Seyid Ocaqları və "Yeni Üfüq" Mənəvi İrsin Təbliği İctimai Birliyinin təşkilatçılığı ilə Qurban bayramı münasibətilə hər il olduğu kimi, bu il də qurban payları paylanıb.

ONN media  xəbər verir ki, 500-dən çox aztəminatlı, habelə qazi və şəhid ailəsinə qurban payı çatdırılıb.

Qarabağ Seyid Ocaqlarının rəhbəri Seyid Camal Əzimbəyli bu Qurban bayramında ayrıca sevincli olduqlarını bildirib: "Çünki illər ərzində Uca Yaradana etdiyimiz dualar gerçək oldu. Allaha şükürlər olsun ki, Ali Baş Komandan İlham Əliyevin rəhbərliyi ilə şanlı ordumuz zəfər qazandı. Və 30 il sonra Qarabağda qurbanlar kəsildi ki, bu sevinci sözlə ifadə etmək mümkün deyil. Biz bu zəfərin qazanılmasında ordumuza, Prezidentimizə borcluyuq. Rəbbimiz dövlətimizi, vətənimizi, ordumuzu, Prezidentimizi qorusun!"

"Yeni Üfüq" Mənəvi İrsin Təbliği İctimai Birliyinin sədri Sevinc Əzimbəyli isə hər il olduğu kimi, bu il də yüzlərlə ailəyə bayram sovqatı payladıqlarını deyib: "Artıq 500-dən artıq ailəyə Qurban payı çatdırmışıq. Onların hamısı həqiqi haqq sahibi olan qazi, şəhid, aztəminatlı ailələrdir. Xeyriyyə işləri ilə bağlı Heydər Əliyev Fondunun öncüllüyündə Azərbaycanda böyük işlər görülür. Biz də azacıq da olsa, bu işlərdə yardımçı olmağa çalışırıq. Xeyriyyə aksiyasını həyata keçirmək üçün maddi dəstək göstərən "Cənnət" Ət və Ət Məhsulları MMC-yə təşəkkürümüzü çatdırırıq".