Abşeron rayonunda quldurluq hadisəsi törədilib.

ONN media Daxili İşlər Nazirliyinə istinadən xəbər verir ki, Abşeron Rayon Polis İdarəsinə avqustun 9-da Sulutəpə qəsəbəsi ərazisində Bakı şəhər sakini E.Hüseynovun idarə etdiyi “Ford” markalı avtomobilin naməlum sərnişini onu bıçaqla hədələyərək 410 manat pulunu alıb avtomobildən düşərək getməsi barədə məlumat daxil olub.

Polis əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən Qobustan rayon sakini, əvvəllər məhkum olunmuş A.Lətifov saxlanılıb.

Araşdırmalar davam etdirilir.