Qazaxıstanın Jambıl vilayətindəki hərbi hissənin yanındakı anbarda 6 partlayış qeydə alınıb.

ONN media xəbər verir ki, bu barədə Qazaxıstan Müdafiə Nazirliyinin mətbuat xidməti məlumat yayıb.

"Anbarda əsasən uzun mənzilli olmayan mühəndis sursatları saxlanılır. Ümumilikdə altı partlayış olub", - məlumatda deyilir.

Hərbi hissədən yanğınsöndürmə briqadaları və yanğınsöndürmə palatasının xüsusi texnikası, habelə Jambıl vilayətinin Fövqəladə Hallar İdarəsinin yanğınsöndürmə briqadaları cəlb edilib. Əhalinin təhlükəsizliyi üçün yaxınlıqdakı evlərin sakinləri təxliyə edilib.

Jambyl vilayətinin rəhbərliyindən verilən məlumata görə, hərbi hissədə baş verən partlayış nəticəsində 11-i hərbçi olmaqla 60 nəfər yaralanıb.

Bildirək ki, Jambıl vilayətinin Bayzak rayonunda yerləşən hərbi hissədə, avqustun 26 -da saat 19:00 radələrində anbarlardan birinin yaxınlığında yanğın baş verib. Yanğın naməlum obyektlərin partlaması ilə nəticələnib.

Yanğının səbəbləri müəyyən edilir.