Fransanın cənubundakı limanda katerin partlayışı nəticəsində üç nəfər xəsarət alıb.

ONN media  xəbər verir ki, bu barədə "France-3" telekanalı bildirib.

Məlumata görə, 10 metr uzunluğa malik kater Yer kommunasında yanacaq doldurmadan və yola düşmədən dərhal sonra partlayıb. İlkin informasiyaya əsasən, mühərrik işə salındıqdan sonra anbardakı yanacaq buxarları partlayıb, lakin hadisənin dəqiq səbəbləri araşdırmalardan sonra məlum olacaq.

Hadisə nəticəsində bir qadın ciddi yanıq xəsarətləri alıb və ağır vəziyyətdə xəstəxanaya çatdırılıb. Həmçinin 14 yaşlı qız və 50 yaşlı kişi də zərər çəkib.