Özbək əsilli məşhur Əfqanıstanlı sənətçi Sayed Kəbir Kamal da Talibanın hakimiyyəti zəbt etməsindən sonra ölkəsindən qaçmaq zorunda qalanlardandır. O, artıq ailəsi ilə birlikdə Qətərin Doha şəhərindəki bir düşərgədədir.

ONN media  xəbər verir ki, sənətçi bu dəfə öz doğma ölkəsi – Əfqanıstandan necə qurtulduğu haqqında Bayraqdar.info-ya danışıb.

S.K.Kamal özünün və ailəsinin qurtuluşuna görə Azərbaycan əsgərlərinə təşəkkür edib. O qeyd edib ki, Kabil hava limanında Talibanın atəşi altında ailəsini və özünü əsgərlər tərəfə çatdırıb, ingiliscə müraciət edəndə ona “No enlgiş” deyə müraciət edilib. Bu anda bəlli olub ki, qarşısındakılar Azərbaycan və Türkiyə əsgərləridir. S.K.Kamal da özünün türk olduğunu deyincə, əsgərlər onu və ailəsini taliblərin atəşindən xilas ediblər.

S.K.Kamal deyir ki, özü xilas olsa da, ölkəsindəki digər sənət adamları üçün çox narahatdır. Çünki Taliban onları öldürə bilər. Ona görə də türk dövlətlərinə müraciət edərək, həmin sənətçilərin Əfqanıstandan çıxarılması üçün yardım istəyir.

https://youtu.be/a8_3IUp_X18