ONN İnformasiya Agentliyi

Kamal Abdulla təltif olundu

Kamal Abdulla təltif olundu
5-04-2019, 14:02


Azərbaycan Dillər Universitetinin (ADU) rektoru, akademik Kamal Abdulla Dövlət Təhlükəsizlik Xidmətinin (DTX) və Xarici Kəşfiyyat Xidmətinin yaranmasının 100 illiyi münasibətilə təltif olunub. Bu barədə ONN media-ya ADU-dan məlumat verilib.

Təqdimat mərasimində çıxış edən xidmətin səlahiyyətli şəxsi bildirib ki, yubiley medalının akademik Kamal Abdullaya təqdim olunması DTX-nın universitetin kollektivinə olan böyük etimadının bariz nümunəsidir.

Kamal Abdulla DTX-nın uğurlu fəaliyyətindən danışıb. O bildirib ki, dövlətçiliyimizin, milli maraqlarımızın qorunması istiqamətində xidmət əməkdaşlarının fədakar əməyi hər zaman yüksək qiymətləndirilib. “Məni belə bir şərəfli ada layiq gördüyünüzə görə təşəkkür edirəm. Bilirəm ki, Dövlət Təhlükəsizlik Xidmətinin əməkdaşları dövlətçiliyimizin keşiyində çox böyük mətanətlə durublar. Azərbaycan Dillər Universitetinin əməkdaşları da tələbə və vətəndaş yetişdirməklə, cəmiyyətlə yüksək səviyyədə ünsiyyət qurmaqla dövlətçiyimizə xidmət edirlər. Bu medal təkcə mənə yox, bütün kollektivimizə olan etimaddır”, - deyə rektor bildirib.

OXŞAR XƏBƏRLƏR
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png