Pəncşir vilayətində yüzlərlə Taliban döyüşçüsü öldürülüb.

Bunu Əfqanıstan Müqavimət Cəbhəsinin komandirlərindən biri CNN-ə açıqlamasında deyib.

“Pəncşiri ölkənin digər hissəsi ilə birləşdirən Havak aşırımında qızğın döyüşlər gedir. Bizim hələ də internetimiz yoxdur. Taliban yüzlərlə döyüşçüsünü itirib”, - komandir bildirib.

Əfqanıstan Müqavimət Cəbhəsinin nümayəndəsi Əli Nəzərinin sözlərinə görə, Taliban hücum etməklə tərəflər arasında əldə olunmuş “centlmen sazişi”ni pozub. Nəzəri taliblərin bir neçə hərbi texnikasının da vurulduğunu qeyd edib.

***

Taliban döyüşçüləri Pəncşirdə 3 strateji məntəqəni və yol keçidlərini ələ keçirib.

Bu barədə Talibana məxsus “Taliban Tayms” Tvitter səhifəsində bildirilib.

Məlumatada tezliklə tam qələbənin əldə ediləcəyi vurğulanır.