Əfqanıstanın şimalındakı Pəncşir əyalətinin "Taliban" hakimiyyətinə tabe olmayan müqavimət nümayəndələri ilə toqquşmalarda radikal hərəkatın 300-dən çox silahlısı öldürülüb.

Bu barədə TASS-a bölgədəki mənbə məlumat verib.

"Dünən axşam saatlarında "Taliban" hərəkatının Pəncşirə girmək cəhdindən sonra başlayan toqquşmalar nəticəsində 300-dən çox silahlısı iki istiqamətdən öldürüldü. Bir neçə radikal ağır yaralanıb və ya əsir götürülüb", - mənbə bildirib.

"Hazırda bölgənin girişlərində döyüşlər davam edir. "Taliban" müdafiə xəttini keçə bilmədi və indi geri çəkilmək məcburiyyətində qalır", - mənbə əlavə edib.