ABŞ-ın gizli sınaqlarını keçirdiyi məşhur 51-ci sahəyə çox yaxın olan “Area 52” adlı başqa bir əsrarəngiz baza ilə bağlı təfərrüatlar ortaya çıxmağa başlayıb. Son vaxtlar bu ərazidə nüvə aktivliyinin artdığı da qeyd olunub.

Bölgə 52 və ya "Tonopah Eksperimental Sahəsi" (TTR), ABŞ-ın Nevada ştatının Tonopah şəhərində yerləşir və 51-ci bölgədəki obyektdən 113 km məsafədədir. 52-ci bölgədəki hərbi obyekt 1957-ci ildə ABŞ Energetika Nazirliyinin silah proqramları üçün sınaq meydanı olaraq açılıb.

ABŞ müdafiə naziri Loyd Austinin bu il Asiyaya səfərindən əvvəl 52-ci bölgəyə səfəri Amerika mətbuatında öz əksini tapdı və ziyarətin səbəbi maraq mövzusu idi. Bu günlərdə obyektdə B61-12 taktiki nüvə silahının sınaqdan keçirildiyi təxmin edilir.

Yerli xəbər agentliklərinin yazdığına görə, təyyarəylə obyektə gələn işçilər xüsusi bir terminala enir və hökumət maşınları onları müşayiət edir.