“Bəzi xəbər saytları mənim şəklimi "hicab bağladı" adı altında paylaşıblar. Həmin şəkillərin altında "Ay bizə nə?”, digəri “Bağlayıb, niyə reklam edir?” kimi rəylər yazıblar. O sözü yazan içi qurdlu insanlar, hər şeyi dəqiq bilmədən ağzınıza gələni yazmaqdan utanmırsınız?"

ONN media  xəbər verir ki, bu sözləri Əməkdar artist Rafael İsgəndərovun qızı Gülarə İsgəndərova instaqramda yazıb.

Bu yaxınlarda hicaba keçməyə qərar verən G.İsgəndərova sosial mediada haqqında yazılanlardan narahat olduğunu dilə gətirib: "Ay bisavad insan, hicabla reklam olur? Hələ biri yazıb ki, üzündə makiyaj var. Belələri nə bilir islam nədir? Ay insan, sən bəlkə də hansısa süfrə arxasında "Allah bizi qorusun" deyib araq içəndə, mən ibadətlə məşğul idim. Mən hicabı kiminsə xoşuna gəlmək üçün yox, Allahın əmri olduğu və o biri dünyamı fikirləşdiyim üçün bağlamışam”.