Mütləq Döyüş Çempionatının (UFC) iki çəki dərəcəsində çempionu oaln irlandiyalı Konor Makqreqorun ayağı sınıqdan sağalıb.

O, bu barədə "Instagram" hesabında paylaşım edib.

"Əməliyyatdan sonra mənə çox kömək etdikləri üçün həkimlərimə və komandama təşəkkür edirəm. Görüləsi işlər var, amma işi bacardığım üçün tanınıram. İdman tarixindəki ən böyük geri dönüşə hazırlaşın", - Makqreqor elan edib.

Xatırladaq ki, bu il iyulun 11-də keçirilən sonuncu döyüş zamanı Konor Makqreqor ayağını sındırıb və hazırda zədəsini sağaldır.

O, karyerası dövründə 22 dəfə qələbə qazanıb və altı dəfə məğlub olub.