Vətən müharibəsi nəticəsində qazalanılan qələbə Azərbaycan uşaqları üçün yeni dönəmin başlanğıcıdır və onların müdafiəsinin gücləndirilməsi baxımından əhəmiyyətlidir.

Bunu Ailə Qadın və Uşaq Problemləri üzrə Dövlət Komitəsinin sədri Bahar Muradova V Ümumrespublika Forumunda çıxışı zamanı deyib. O bildirib ki, forumlar uşaq hüquqlarının qorunması və təbliği, qanunvericiliyin təkmilləşdirilməsi, uşaqların fikirlərinin nəzərə alınması, uşaq iştirakçıllğının təmin edilməsi baxımından vacib platformaya çevrilib:

"Azərbaycan əhalisinin 26,2 faizini uşaqlar təşkil edir. Dövlət-uşaq siyasətinin reallaşdırılması istiqamətində güclü qanunvericilik bazası mövcuddur və bu istiqamətdə təkmilləşdirilmə aparılır. Sonuncu forumun keçirildiyi 2017-ci ildən bu günə qədər uşaq hüquqlarının müdafiəsi sahəsində nəzərəçarpacaq təkmilləşdirmələr aparılıb. Ötən forumda qaldırılan məsələlər dövlətin diqqətində olub və istiqamətdə işlər aparılıb".