Pensiya yaşının azaldılması ilə bağlı məsələ gündəmdə deyil.

ONN media xəbər verir ki, bunu Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondunun sədri Himalay Məmişov pensiyaların indeksləşdirilərək artırılması və pensiyaçılara maddi yardımın ayrılması ilə əlaqədar bu gün keçirilən mətbuat konfransında deyib.

Onun sözlərinə görə, araşdırmalar göstərir ki, orta uzunömürlülük 70 yaş həddinin üzərindədir:
"Dünya təcrübəsini, real demoqrafik yaş həddini nəzərə alsaq, peniyalarda yaş həddinin azaldılması nəzərdə tutulmur".