ABŞ gender bərabərliyi istiqamətində yeni addım atıb.

ONN media xəbər verir ki, bundan sonra ABŞ vətəndaşlarının pasportlarında “X” adlı yeni cinsiyyət kateqoriyası olacaq.

Bu gündən etibarən ABŞ vətəndaşlarından pasport ərizələrində kişi və ya qadını qeyd etmələri tələb olunmayacaq. Artıq vətəndaşlar kişi və ya qadın variantları istisna olmaqla, özlərini “X” kimi ifadə edə biləcəklər.

Bayden administrasiyası üçüncü seçim qərarı ilə amerikalıları transgenderlərə qarşı bəzi əyalət qanunlarından qorumağı hədəfləyir.

ABŞ dövlət katibi Antoni Blinken bildirib ki, cinsin X kimi qeyd edilməsi variantı gələn il pasportdan başqa sənədlərə də şamil olunacaq.

Ötən ilə qədər bu ölkədə cinsiyyət dəyişikliyini pasportunda əks etdirmək istəyənlər əvvəlcə həkimdən sənəd almalı idilər.

Qeyd edilib ki, bu qərarla özlərini transgender kimi görən və ya mövcud ikili gender təsnifatından kənarda olan 1 milyondan çox amerikalı üçün yeni dövr başlayacaq.