Rusiya Prezidenti Vladimir Putin Moskvada BMT-nin Baş katibi Antonio Quterreşi qəbul edib. 

Kremlin icra ofisində oval masa arxasında keçirilən görüşün görüntülərini TASS yayıb.

Quterreş Rusiyaya səfəri zamanı Ukraynadakı vəziyyəti, o cümlədən konkret olaraq Mariupol və Azovstaldakı vəziyyəti müzakirə etməyi planlaşdırır.

Rusiya lideri BMT-nin baş katibi ilə hazırkı təması fevralın 24-də Donbassın müdafiəsi üçün xüsusi hərbi əməliyyatın başlanmasından bəri ilk təmas olub. Onlar sonuncu dəfə ötən ilin mayında, videobağlantı vasitəsilə danışıblar. Siyasətçilər sonuncu dəfə 2020-ci ilin yanvarında Berlində Liviya ilə bağlı beynəlxalq konfransda bir-birlərini şəxsən görüblər.

Putinlə görüşdən əvvəl Quterreş Rusiyanın xarici işlər naziri Sergey Lavrovla danışıqlar aparıb.

Bundan əvvəl aprelin 25-də Quterreş Ankaraya səfər edib və burada Türkiyə prezidenti Rəcəb Tayyib Ərdoğanla görüşündə Ukraynadakı vəziyyəti də müzakirə edib. Aprelin 28-də BMT-nin baş katibinin Kiyevdə olacağı gözlənilir.