Ukraynanın Azov və Qara dəniz limanlarını bağlamaqla qlobal ərzaq böhranı layihəsini Putin və onun dəstəsi fevralın 24-dən xeyli əvvəl planlaşdırmışdı.

ONN media xəbər verir ki, bu fikirləri ukraynalı publisist, siyasi ekspert Yuri Raduxin “glavred.info” saytında yazıb.

Onun sözlərinə görə, BMT-nin baş katibi Quterreş, Türkiyənin xarici işlər naziri naziri Mövlud Çavuşoğlu və Rusiyanın xarici işlər naziri naziri Sergey Lavrov istənilən məsələdə razılığa gələ bilərlər, amma müharibə edən Ukraynanın maraqları və strategiyası nəzərə alınmadan Odessanın Qara dəniz limanlarının blokadadan çıxarılması və taxıl ixracı problemi həll edilə bilməz.

Publisistin fikrincə, süni aclıq yaratmağın hərbi taktikası Sin Çzının qədim Çin “Müharibə sənəti” traktatında yer alıb:
“Antik dövrlərdə isə çox təsirli bir döyüş silahı kimi təsvir edilir.

Ukraynanın Azov və Qara dəniz limanlarını bağlayaraq, bazarda süni taxıl qıtlığı yaratmaqla qlobal ərzaq böhranı layihəsini Putin və onun dəstəsi 2022-ci il fevralın 24-də müharibə başlamazdan xeyli əvvəl planlaşdırmışdılar.

Bir tiranla (Putin nəzərdə tutulur) danışıqlar qəti şəkildə qəbuledilməzdir. Çörçill bunu 1940-cı ildə kifayət qədər əsaslı şəkildə sübut etdi. Deməli, burada bəşəriyyətin tarixi paralelləri və təcrübəsi var.

Ərzaq böhranının iqtisadi tərəfi belədir… Bu gün taxıl bazarında buğda qıtlığı 69 milyon tondur. Ukraynanın tədarükü 15-20 milyon ton təşkil edir. Hətta bizim taxıl ehtiyatımızla belə, dünya bazarında kəsir 49-54 milyon tondur”.

Yuri Raduxin bildirir ki, Ukrayna təcavüzün qurbanıdır və müharibə vəziyyətindədir, buna görə də beynəlxalq ictimaiyyətin (BMT, ABŞ, Böyük Britaniya, Aİ və NATO) limanların blokunun açılması ilə bağlı Ukraynanın mövqeyinə və şərtlərinə laqeyd qalmaq hüququ yoxdur:

“Burada mövqelərimiz prioritetdir! Ukraynanın təhlükəsizlik zəmanətinə ehtiyacı var. BMT-nin himayəsi altında NATO-ya üzv ölkələr donanması ilə Ukraynaya təhlükəsizlik zəmanəti verməyə borcludurlar. Türkiyə Ukraynanın təhlükəsizliyinin təminatçıları koalisiyasının üzvlərindən yalnız biri ola bilər