Birləşmiş Millətlər Təşkilatı (BMT) Somalidəki ərzaq böhranı ilə mübarizə üçün təcili yardım çağırıb.

ONN media xəbər verir ki, BMT-nin Somali üzrə xüsusi nümayəndəsi Ceyms Svan Somalidə keçirilən görüşdən sonra verdiyi açıqlamada ölkədəki quraqlıq və qida probleminə diqqət çəkib:

"Bu məsələ ilə maraqlı tərəfləri Somalidəki ərzaq böhranını həll etmək üçün təcili olaraq lazım olan maliyyəni təmin etməyə çağırıram. Ölkədəki qida böhranından ən çox qadın və uşaqların təsirləndiyini görmək üzücüdür".

Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) məlumatına görə, hazırda Somalinin 80 faizi ciddi quraqlıqla mübarizə aparır.

Somali hökuməti artan quraqlıq səbəbindən ölkə daxilində fövqəladə vəziyyət elan edib.

Ümumdünya Səhiyyə Təşkilatı (ÜST) də Somalidəki humanitar böhranla bağlı beynəlxalq ictimaiyyəti təcili yardım göstərməyə çağırıb