İranın Şiraz şəhərində Şahçeraq məbədində törədilən terror aktı həqiqətən qınanmağa layiqdir və biz bütün terror aktlarını pisləyirik.

ONN media xəbər verir ki, bu barədə BMT baş katibinin mətbuat katibi Stefan Düjarrik deyib.

"İranda dini yerə edilən hücum həqiqətən qınanmağa layiqdir və biz bütün terror aktlarını pisləyirik", - deyə o bildirib.

Qeyd edək ki, oktaybrın 26-da axşam saatlarında üç silahlı şəxs Şirazın cənub-qərbindəki Şahçeraq məbədi yaxınlığında ziyarətçilərə hücum edib. Nəticədə 15 nəfəri ölüb, 40 nəfəri yaralanıb