Dahi bəstəkar Üzeyir Hacıbəyovun Bakı şəhəri Nəsimi rayonunda yerləşən heykəlinin üzərinə yad cisim atılması əks olunan görüntülər yayılıb.

Görüntülərdə hələlik şəxsiyyəti məlum olmayan iki gənc əks olunub. Onlardan biri zarafat zamanı digərinin ayaqqabısını heykəlin üzərinə atıb.

Məsələ ilə bağlı polisə məlumat daxil olub.

Daxili İşlər Nazirliyinin (DİN) mətbuat xidmətinin əməkdaşı Nurlan Əliyev sözlərinə görə, yayılan görüntülərlə bağlı araşdırma aparılır, nəticəsi barədə əlavə məlumat veriləcək.