Birmənalı şəkildə bildirirəm ki, İranda yerləşən səfirliklərə qondarma dini lider Xameneinin icazəsi olmadan heç kim hücum edə bilməz. Bu dəfə İran özünə qəsd etdi, öz başına güllə sıxdı.

ONN media xəbər verir ki, bunu Güney Azərbaycan Milli Oyanış Hərəkatının (GAMOH) nümayəndəsi Elyar Türkər deyib.

“İndi gözləyin və sonra nə olacağını görün”, - Türker bildirib.

Xatırladaq ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs "Kalaşnikov" markalı avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir.