Türkiyənin Suriya ilə bağlı heç vaxt ərazi iddiası olmayıb. Ankaranın məqsədi terrorla mübarizədir.

ONN media xəbər verir ki, bu sözləri Türkiyənin xarici işlər naziri Mövlud Çavuşoğlu Moskvada Rusiya, İran və Suriya XİN rəhbərlərinin mayın 10-da keçirilən dördtərəfli görüşünü şərh edərkən deyib.

O bildirib ki, tərəflər həmçinin Suriyada siyasi prosesin bərpası və sabitliyin yaradılması yollarını müzakirə ediblər:

“Biz xarici işlər nazirləri səviyyəsində təmasları davam etdirəcəyik. Yol xəritəsi hazırlandıqdan və lazımi baza formalaşdıqdan sonra liderlər səviyyəsində də danışıqlar mümkündür”.