Elmi araşdırmalarda, məqalələrdə omikronun yeni variantının aşkarlanması barədə məlumatlara rast gəlinir. Amma bunun təhlükəli olması ilə bağlı hər hansı fakt yoxdur.

ONN media xəbər verir ki, bu barədə TƏBİB-dən bildirilib.

“Virusun yeni variantlarının ortaya çıxması mümkündür. Bununla belə, onun kliniki ağırlaşmalara səbəb olma ehtimalı çox zəifdir. Başqa sözlə, yeni variantlar qeydə alınsa da, o, adi kəskin respirator infeksiyası kimi idarə olunacaq”, - məlumatda bildirilib.

Qeyd edək ki, Ümumdünya Səhiyyə Təşkilatı dünyada koronavirusun EG.5 omikron ştammının sürətlə yayılmağa başladığını bildirib.