Xankəndidəki yanacaq məntəqəsində baş verən partlayış nəticəsində yaralananlara yardım etmək məqsədilə Ermənistandan Xankəndiyə helikopter vasitəsilə həkim briqadası göndərilib.

ONN media xəbər verir ki, bu barədə erməni mətbuatı məlumat yayıb.

Həkimlərlə bərabər tibbi ləvazimatlar və materialların da göndərildiyi bildirilib.İddia edilib ki, Xankəndi xəstəxanasında ağır yaralıların köçürülməsinə hazırlıq başlayıb.

Qeyd edək ki, ötən gün Xankəndi-Əsgəran yolu üzərindəki yanacaq məntəqəsində baş verən partlayış nəticəsində 290 nəfərin yaralandığı, 20 nəfərin öldüyü bildirilir. İtkin düşənlər də var.