Azərbaycanda avtomobillərin kirayə götürülməsi son dövlər daha da geniş yayılıb. 

ONN media-nın məlumatına görə, əsasən toy məclisləri, əlamətdar günlər və rayonlara səfərlər zamanı kirayəyə götürülən avtomobilərin qiyməti modelinə və istehsal ilinə görə dəyişir. 

Kirayə avtomobil verilərkən ilk növbədə qarşı tərəfin sürücülük vəsiqəsinin olması şərtdir. Bundan sonra tərəflər arasında razılaşmaya uyğun müqavilə bağlanır. 

Bakıda fəaliyyət göstərən “Rent a Car” salonları arasında apardığımız araşdırma zamanı kirayə avtomobillərin qiymətlərini müəyyənləşdirməyə çalışdıq. Belə ki, ən ucuz bir günlük kirayə avtomobilin qiyməti 45 AZN-dən başlayır. 

Kirayə avtomobillərlə bağlı ümumi qiymətləri təqdim edirik:

Biznes avtomobil günlük kirayəsi 80 AZN - 1400 AZN, həftəlik 550 AZN - 9000 AZN.

Ekonom avtomobil günlük kirayəsi 45 AZN - 60 AZN, həftəlik 320 AZN - 420 AZN.

İdman avtomobil günlük kirayəsi 70 AZN - 1400 AZN, həftəlik 470 AZN - 9000 AZN.

Premium avtomobil kirayəsi 250 AZN - 1500 AZN, həftəlik 1500 AZN - 9000 AZN.