İnfarkt digər patologiyalar - astma və appendisit vasitəsilə özünü göstərə bilər.

ONN media xəbər verir ki, bu sözləri həkim Aleksandr Myasnikov "Ən vacib haqqında" (О самом главном) verilişinin efirində deyib.

Mütəxəssis izah edib ki, bu patologiyanın klassik təzahürü ilə insan döş qəfəsində təzyiq, mədə sancısı, sol çiynində və qulaqlarda ağrılar, həmçinin tənəffüs problemi və soyuq tər hiss edir.

"Bununla belə, xəstəliyin asemptomatik olduğu hallar da var və xəstələr bunu yalnız həkimə müraciət etdikdən sonra öyrənirlər", - həkim vurğulayıb.

Mütəxəssis əlavə edib ki, infarkt "maskalanaraq" astma kimi görünə bilər. Bu vəziyyətdə insan kifayət qədər oksigen qəbul edə bilmir və gecələr tez-tez boğulmalar baş verir. Myasnikovun sözlərinə görə, bunlar infarkt əlamətləri ola bilər, ona görə də vaxtında təcili yardım çağırmaq lazımdır.

"İnfarkt keçirən insanın telefonla təcili yardım çağırılmasından etibarən stent taxılacağı əməliyyat masasına çatana qədər 120 dəqiqə vaxtı var. Buna köklənməlisiniz ki, mümkün qədər tez təcili yardım çağırasınız", - Myasnikov qeyd edib.

Mütəxəssisin fikrincə, infarkt həm də appendisit kimi "maskalana" bilər. Bu simptomlara qarın ağrısı, qusma və ishal daxildir.

Myasnikov izah edib ki, ürəyin işində pozğunluqlar birdən-birə yaranmır:

"İnfarkt əsasən irsi meyillilik, siqaret, yaş, yüksək qan təzyiqi və şəkər, artıq çəki və böyrək funksiyasının azalmasından təsirlənə bilər. Araşdırmalara görə, infarktdan ölməzdən bir gün əvvəl insanların təxminən 80%-i bədənin müxtəlif yerlərində ağrı və təngənəfəslik kimi narahatlıqlar hiss edirlər. Təxminən 50%-i isə ölümdən iki gün əvvəl oxşar simptomlarla qarşılaşıb