Avropa Futbol Assosiasiyaları İttifaqı (UEFA) Çempionlar Liqasının 1/4 finalında PSJ ilə matçda (2:3) ən azı iki azarkeşin irqçi davranışda ittiham olunmasından sonra “Barselona”ya qarşı intizam işi açıb.

ONN media xəbər verir ki, məlumata görə, bu azarkeşlər matç zamanı nasist salamı verib, meymun jestləri ediblər. Vurğulanır ki, UEFA Kataloniya klubunun azarkeşlərinin günahını sübuta yetirərsə, komandaya qarşı səfər oyunları üçün sanksiyalar tətbiq oluna bilər.

Mənbə qeyd edir ki, hər iki şübhəli hüquq-mühafizə orqanları tərəfindən saxlanılıb. Öz növbəsində, PSJ artıq onlara qarşı üç iddia qaldırıb: birincisi hərbi cinayətlərin reabilitasiyası, ikincisi ictimai irqi təhqirlərə görə. Üçüncüsü isə digər qanun pozucularının müəyyənləşdirilməsinə yönəlib.