Bu gündən Laçın şəhəri-Zabux kəndi və Laçın şəhəri-Qarıkaha kəndi müntəzəm marşrut xətləri sakinlərin istifadəsinə verilib.

ONN media xəbər verir ki, marşrutlar arasında interval əhalinin sayına uyğun olaraq müəyyən ediləcək.

Avtobuslar laçınlı sahibkar tərəfindən hər hansı bir gəlir gözlənilmədən hər gün xəttə buraxılacaq və intensiv işləyəcək. Nəzərdə tutulan istiqamət üzrə yolun uzunluğu təxminən 40 kilometrə qədərdir.

Qeyd edək ki, indiyədək Laçın şəhərində 493 ailənin, yəni 1838 nəfərin, Zabux kəndində 217 ailə, 823 nəfərin daimi məskunlaşması təmin olunub.