Ukrayna ordusunun azərbaycanlı hərbçisi Emin Əsabəli oğlu Yüzbaşiyev Zaporojye istiqamətində itkin düşüb.

ONN media xəbər verir ki, bu barədə Krivoy-Roq Azərbaycanlıları Konqresinin sədri Rəmzi Rzayev məlumat yayıb.

Məlumata görə, hərbçi artıq bir həftədir ki, xidmət etdiyi Zaporojye cəbhəsində itkin düşüb.

Əslən Balakən rayonundan olan Emin Yüzbaşiyev Ukraynanın Krivoy-Roq şəhərində doğulub boya-başa çatıb. Hazırda onun axtarışı ilə bağlı Krivoy-Roq Azərbaycanlıları Konqresi dövlət qurumlarına ardıcıl müraciətlər edir.