Türkiyənin Azərbaycanda da çox izlənən sosial media fenomeni Dilan Polad, həyat yoldaşı Engin Polad və qayınatası Sezgin Polad digər sosial media fenomeni Banu Parlaqın şikayəti əsasında barələrində açılan cinayət işinə görə bəraət alıblar.

ONN media xəbər verir ki, Banu Parlaq Polad ailəsini oktyabrın 1-də ona məxsus olan gözəllik mərkəzinə silahlı hücumla bağlı sifarişdə günahlandırsa da, o daha sonra şikayətini geri götürdüyünü bildirib.

Bu məsələ ilə bağlı ikinci dəfə məhkəməyə çıxarılan cütlük gözəllik mərkəzinə hücumla bağlı barələrində açılan işdən bəraət qazanıblar.

Ancaq cütlüyün çirkli pulların yuyulması, Vergi Qanununun pozulması, qanunsuz mərc və şans oyunlarında iştirak ilə bağlı barələrində açılan cinayət işi hələ də davam edir. Bu səbəbdən cütlük haqqında həbs qətimkan tədbiri başa çatmayıb.