Məşhur mesajlaşma proqramı "WhatsApp"a daha bir yeni funksiya gəlir.
ONN media xəbər verir ki, tətbiqin Android beta versiyasında sınaqdan keçirilən yeni funksiya ilə istifadəçilər artıq qurduqları WhatsApp icmalarını digər istifadəçilərə ötürə biləcəklər.
Beta versiyada ortaya çıxan və istifadəçilərə böyüdükləri icmaları başqa insanlara ötürməyə imkan verəcək yeni funksiya sayəsində istifadəçilər artıq öz icmalarından pul qazanmaq imkanı əldə edəcəklər.
"WhatsApp"ın beta versiyasının skrinşotlarına görə, icmanın admini icmanı başqa istifadəçiyə köçürmək qərarına gəldikdə, köhnə admin köçürmə prosesi zamanı admin vəzifəsində qalmağa davam edəcək.
Bununla belə, yeni menecer transfer prosesini başa vurduqdan sonra köhnə menecerləri idarəçilik vəzifələrindən uzaqlaşdıra biləcək. Bu proses bütün tərəflər arasında razılaşmalar çərçivəsində həyata keçiriləcək.