Qlobal mesajlaşma xidməti olan "WhatsApp"da müvəqqəti mesajlar göndərməyə imkan verən yeni "Expiring Media" funksiyası işə salınıb. ONN media  xəbər verir ki, yenilik sayəsində göndərilən şəkillər, videolar və yaxud animasiyalar "alıcı" tərəfindən açıldıqdan və o, çatı tərk etdikdən sonra dərhal yox olacaq. İstifadəçilərin qarışıq salmaması üçün yoxa çıxan mesajlar adilərindən qrafik olaraq fərqlənəcək. Funksiya artıq "Android" smartfonlar üçün mobil tətbiqin "Beta" versiyasında mövcuddur. Bir müddət sonra əsas yenilənmədə də olacaq.