Rusiya prezidenti Vladimir Putinin Səudiyyə Ərəbistanının kralı Salman Ben Abdüləziz Əl Saudla telefon danışığı olub. ONN media xəbər verir ki, bu barədə Kremlin mətbuat xidməti məlumat yayıb. Tərəflər çoxşaxəli Rusiya-Səudiyyə Ərəbistanı əlaqələrinin gələcəkdə daha da möhkəmləndirilməsinə ümidlərini ifadə ediblər. “İkitərəfli əməkdaşlıqla bağlı aktual məsələlər müzakirə olunub. Hər iki tərəf ticari-iqtisadi və investisiya sahələri daxil olmaqla ali səviyyədə işbirliyini yüksək qiymətləndiriblər. Çoxşaxəli Rusiya-Səudiyyə Ərəbistanı əlaqələrinin gələcəkdə möhkəmləndirilməsi ilə bağlı birgə ümidlərini ifadə ediblər”, - deyə məlumatda bildirilir.