ABŞ prezidenti Donald Tramp Səudiyyə Ərəbistanı kralı Salman əl Saudla telefon danışığında neft hasilatını müzakirə edib.

ONN media xəbər verir ki, bu haqda Ağ Ev rəhbəri öz “Twitter” hesabında məlumat paylaşıb.

“Elə indicə Səudiyyə Ərəbistanı kralı Salmanla telefonla danışdım. İran və Venesuelladakı gərinliklə əlaqədar Səudiyyə Ərəbistanı rəhbərliyindən gündəlik neft hasilatını 2 milyon barelə qədər qaldırmağı xahiş etdim.”, -deyə Tramp yazır.

Onun sözlərinə görə, Səudiyyə kralı bu təkliflə razılaşıb.

Xatırladaq ki, iyunun 23-də “OPEK+” toplantısının iştirakçıları neft hasilatının günə 1 milyon barelə qədər artırılması ilə bağlı ümumi razılığa gəlib.