Qazaxıstan prezidenti Nursultan Nazarbayev milli valyuta olan tenqenin banknot və sikkələrinin dizaynının yeni konsepsiyası barədə fərman imzalayıb. ONN media xəbər verir ki, bu barədə “Tengrinews.kz” nəşri məlumat yayıb. Sənədə əsasən, Qazaxıstan milli valyutasının banknotları və sikkələrindəki yazı yalnız qazax dilində olacaq. Kolleksiya və investisiya sikkələrində digər dillərdə yazılara icazə verilir. Bundan əvvəlki konsepsiyada banknot və sikkələrdə qazax dilindən əlavə, rus dilində də yazı var idi. Fərman imzalandığı gündən qüvvəyə minir.