Bu gün İngiltərə parlamentində ölkənin Avropa İttifaqından (Aİ) ayrılmasını nəzərdə tutan Brexit sazişi növbəti dəfə səsverməyə çıxarılıb. ONN media xəbər verir ki, qanuni olaraq İngiltərənin ittifaqdan bu gün ayrılması gözlənilirdi. Lakin Aİ-nin Brexitin növbəti tarixə təxirə salınmasına şərtli razılıq verməsi səbəbindən parlament sazişi üçüncü dəfə rədd edib. Parlamentin 286 deputatı sazişin lehinə, 344 deputatı isə əleyhinə səs verib. Mövcud şəraitdə İngiltərə ya mayda Avropa Parlamentinin seçkilərinə qatılmalı, ya da şərtli razılaşma olmadan ittifaqdan ayrılmalıdır. İngiltərə Brexitin 22 maydan sonraya təxirə salınmasını istəyərsə, o zaman bunu 27 ölkənin təsdiqləməsinə ehtiyac duyulacaq. Qeyd edək ki, İngiltərə parlamenti öncəki 2 səsvermədə də Brexiti rədd etmişdi.