Xalq artisti Brilliant Dadaşova adlarını çəkmədiyi həmkarları haqqında dediyi “ikinci, üçüncü sort müğənnilər” sözləri ilə gündəm yaradıb. ONN media xəbər verir ki, sənətçi İnstaqram hesabında səhnə çıxışını paylaşaraq qoxulara qarşı həssas olduğunu deyib. Sənətçi bildirib ki, məclislərdə həmkarlarına mikrofonu etibar etmir: “Mikrofonumu heç vaxt başqa müğənnilərə vermirəm, çünki qoxulara qarşı çox həssasam və alergiyam var. Bu da bəzi “ikinci-üçüncü sort müğənniləri” kompleksə salır. Rəylərdə kiməsə yazırıq, məhz mikrofondan bəhs edirlər”. Qeyd edək ki, məclislərdə mikrofon mövzusu ilə bağlı sənətçilərimiz arasında zaman-zaman qalmaqallar yaranır.