Dünən axşam saatlarında Azərbaycanın sabiq daxili işlər naziri İsgəndər Həmidovun anidən vəziyyəti pisləşib. ONN media xəbər verir ki, bu barədə İsgəndər Həmidovun köməkçisi məlumat verib. Belə ki, sabiq nazir şiddətli ürək ağrıları və sancıları ilə xəstəxanaya yerləşdirilib: "Həkimlər təkidlə onu əməliyyat etmək istəsə də, ailə üzvləri və yaxın qohumları buna imkan vermədi. İsgəndər Həmidovun yenidən müayinə olunub, əməliyyat edilməsi üçün xaricə aparılmağı məqsədəuyğun sayılıb”. Xatırladaq ki, İsgəndər Həmidov ötən il dekabrın 4-də anidən vəziyyətinin pisləşməsi ilə 1 saylı Şəhər Kliniki Xəstəxanasının cərrahiyyə korpusuna yerləşdirilmiş və həkimlərin anju etmək təklifini son anda rədd etmişdi.