Xətai rayonu ərazisində sürücü piyadanı vuraraq hadisə yerində qaçıb.
ONN media-nın xəbərinə görə, Həzi Aslanov metrostansiyasının yaxınlığında 51 saylı marşrut avtobusunun sürücüsü yolu keçmək istəyən, 1955-ci il təvəllüdlü Aslanova Gülüş Cəbi qızını vuraraq ərazidən uzaqlaşıb. Yaralı yaxınlıqda yerləşən Neyrocərrahiyə xəstəxanasına yerləşdirilib, vəziyyəti orta-ağır kimi qiymətləndirilir.
Faktla bağlı Xətai RPİ-nin İstintaq Şöbəsində cinayət məcəlləsinin 264-cü maddəsi ilə cinayət işi başlanıb. Hazırda hadisəni törədən sürücünün axtarışlarına başlanılıb.