Dünya telefon bazarında bir ilk yaşanıb.
ONN media Sfera.az-a istinadən bildirir ki, ilk dəfə smartfonların satışında azalma müşahidə edilib. 2017-ci ilin son rübündə "ağıllı" telefonların satışında 5.6 faiz geriləmə olub. Belə ki, 2016-cı ilin eyni dövründə 432 milyon smartfon satıldığı halda, 2017-ci ildə bu rəqəm 408 milyona düşüb.
Əsas gəliri smartfonların satışından əldə edən "Samsung" və "Apple" kimi məşhur şirkətlər bazardakı bu durğunluğun səbəblərini araşdırırlar.