Vaxtından tez dünyaya gələn əkiz uşaqlardan biri doğum anında ölsə də, digəri həyatla mübarizə aparıb. Xəstəxana isə uşağın sağ ikən öldüyünü deyib.

ONN media xəbər verir ki, hadisə Hindistanın Dehli əyalətində baş verib. Xəstəxana vaxtından tez dünyaya gələn 22 həftəlik körpələrin öldüyünə dair sənəd verərək valideynlərinə dəfn edilməsi gərəkdiyini deyib.

Valideynlər öldüyünü zənn etdikləri körpələrini dəfn edərkən onlardan birinin hərəkət etdiyini görüb və dəhşətə gəlib.

Ailə uşağı təcili başqa xəstəxanaya yerləşdirib. Ailə dəhşətli səhvə yol verən xəstəxana kollektivindən polisə şikayət ərizəsi yazıb.

Ailənin şikayətinin ardından xəstəxana haqqında istintaq başlanıb.