Azərbaycanda xəstəxanada həkimlər qadına yeni doğulan körpəsini ölü kimi təqdim ediblər. ONN media xəbər verir ki, bu haqda ATV televiziyasında yayımlanan "Bizimləsən" verilişinin aparıcısına müraciət edən Şahnaz xanım açıqlayıb. Onun sözlərinə görə, yeni doğulan körpəsinin nə ölüsünü, nə dirisini ona göstərməyiblər: "Ağdam rayonundan məcburi köçkün düşmüşük. 1995-ci ildə 5 nömrəli Krupskaya adına xəstəxanada oğlan uşağı dünyaya gətirdim. Doğuşu normal keçirtmişdim. Doğuşdan sonra həkimlər mənə körpənin öldüyünü dedilər. Guya bilmədən uşağın göbəyini yerindən çıxarıblar. Uşağın nə ölüsünü, nə dirisini mənə göstərmədilər. Biz dəfələrlə tələb etdik ki, uşağı versinlər dəfn edək. Bizə dedilər ki, bizim öz briqadamız var, dəfn etmişik. Ancaq mən yuxularımda hələ də tez-tez görürəm ki, uşaq sağdır".