PKK terror təşkilatının İraqın şimal-qərbindəki Sincar məntəqəsini tərk etdiyi barədə xəbər yayılıb.

ONN media APA-ya istinadən xəbər verir ki, şimali İraq kürd muxtariyyətinin rəhbəri Məsud Bərzaniyə yaxın “Rudaw” telekanalında PKK-nın Sincarı boşaltdığı bildirilib. PKK-nın yayım orqanı da bunu təsdiqləyib.

Xatırladaq ki, Türkiyə prezidenti Rəcəb Tayyib Ərdoğan PKK-nın Sincarda möhkəmlənməsinə imkan verməyəcəklərini və lazım olarsa, İraq hökuməti ilə birlikdə və ya müstəqil şəkildə orada hərbi əməliyyat keçirəcəklərini bəyan etmişdi.